Tino Fernández considera unha contradición que o conselleiro de Ence ameace con trasladarse a Sudamérica e Portugal “e sen embargo diga que é inviable un traslado dentro da comarca”: “Non sabía que en Portugal regalaban os terreos” !
Pontevedra.- O candidato do PSOE á Alcaldía, Tino Fernández, ten así
de claro que Ignacio Colmenares, conselleiro delegado de Ence, “minte”
cando asegura que “non hai outro emprazamento en Galicia que permita
instalar unha fábrica de celulosa do tamaño da de Pontevedra” e que
cumpra coas condicións de acceso a rede eléctrica de alta tensión, porto
marítimo veciño, abundante auga doce para o proceso industrial, un
sistema de estradas capaz de absorber diariamente máis de 300 camións
e a cercanía dun medio receptor que poida asumir o seu efluente. O líder
socialista ofrécese voluntariamente, “dado que o señor Colmenares
parece non coñecer Galicia, a servirlle de guía turístico para que poida
darse conta de que, por fortuna, xa non estamos na Idade Media, xa non
andamos con candelabros, dispoñemos dunha boa rede eléctrica, unha
cousa que se chaman autoestradas e cinco portos de interese xeral
conectados a través de vías de ferrocarril coas estacións de tren”. “Somos
un país moderno -engade- e eu préstome voluntario para facerlle unha
‘tournée’ por Galicia e que poida coñecer esta magnífica terra”.!
Fernández califica de “antítese” que o diretivo de Ence sosteña que o
traslado da fábrica dentro da nosa comarca é inviable economicamente e,
ao mesmo tempo, “ameace con trasladala a Sudamérica ou Portugal”.
“Está dicindo unha cousa e a contraria. É un oxímoron. Descoñecía eu
que en Portugal regalaban o solo para construír fábricas. O que si xa me
imaxinaba era que a factoría de Lourizán non tiña rodas para trasladarse.
Nós, do que sempre falamos, foi do traslado da actividade, e el mesmo,
coa súa ameaza de marchar a Sudamérica ou Portugal, está a admitir que
ese traslado é posible”, matiza o socialista.!
Outra das contradicións nas que, segundo Tino Fernández, incurre Ignacio
Colmenares, ten que ver coa súa asunción de que Ence precisa dun lugar
ao que botar “o seu efluente, por chamarlle dalgún xeito”, e a afirmación
que fixeron “en máis dunha ocasión” de que “estaban en condicións de
reducir o consumo de auga até nun 90%”. “Ou nos estaban a enganar
entón -apunta- ou nos están a enganar agora”.!
Para o candidato do PSOE á Alcaldía, resulta bastante “lamentable” o
xeito que Colmenares ten de referirse aos seus propios traballadores
como “unha man de obra máis cara que a doutros países”: “Se realmente
lle importasen os postos de traballo, xa terían buscado algunha alternativa
en 2001, cando compraron unha fábrica sabendo que se tiñan que ir en
2018”. Na súa opinión, a Ence “só lle interesa o beneficio económico” e
está a empregar a algúns traballadores “como infantería para lanzala
contra os partidos políticos, mentres eles presentan as súas contas e
pagan os seus impostos en Madrid”.!
!
“Agardo que nos sentemos a falar disto nunha mesa de negociación”!
O líder do PSOE subliña que a o seu partido “si lle interesan os postos de
traballo”, polo que convida a Ignacio Colmenares a que, a vindeira vez que
dialoguen, o fagan “no marco dunha mesa de negociación onde estean
sentadas Ence e as diversas administracións”. “Os socialistas xa
amosamos, dende o Goberno Central, a nosa disposición a negociar e a
explicarlles as axudas existentes en Europa para o traslado. Deixen de
empregar a CC OO e aos traballadores para tentar distorsionar unha
campaña electoral e non permitan que se use o nome da empresa para
unha campaña de acoso, insultos e ameazas”, subliña.!
Neste sentido, e falando de “delirantes contradicións”, a Fernández
chámalle a atención que, na mesma intervención, o secretario comarcal
de CC OO, José Luis García Pedrosa, “afirme por unha banda que as
pintadas ameazantes non lles parecen prácticas aceptables e, por outra,
que se o seu sindicato fose o responsable das mesmas terían sido máis
contundentes na mensaxe”. “O de que temos pouco de obreiros, vindo del,
-engade- tómoo coa ironía que corresponde”.
