O rexedor vigués recibiu este venres ao seu homólogo de Ponte Caldelas, Andrés Díaz Sobral, para abordar a relación entre os dous municipios e a posible incorporación deste último ao entre supramunicipal, unha solicitude que, de producise, apoiará Abel Caballero porque "socioloxicamente Ponte Caldelas forma parte da área de Vigo e será moi bo" para ambos.
A xuntanza mantida este venres entre o alcalde olívico e o de Ponte Caldelas, Andrés Díaz Sobral, serviu para tratar a relación entre os dous municipios e a "eventual integración" deste último na Área Metropolitana de Vigo, unha posibilidade que Caballero "apoia" porque ten un "grande interese e será moi boa" para ambos.
O rexedor vigués destacou a relación entre os dous municipios polo movemento de persoas que se desprazan a Vigo para traballar, polo que sinalou que "socioloxicamente Ponte Caldelas forma parte da área viguesa", estando situado na conca hidrográfica que dá auga a Vigo e a comarca. Así, no caso de que solicite a súa incorporación á Área Metropolitana "apoiareino e propoñerei a súa inclusión na ampliación do ente que se fará de forma inmediata, unha vez que se reforme a Lei e que se constitúa".
