Reportaxes a fondo

Tino Fernández asegura que “por moito que lle poñan etiquetas, o Plan Funcional da Xunta reforza a dependencia coa sanidade privada” !

Pontevedra.- O voceiro municipal do PSdeG-PSOE en Pontevedra, Tino Fernández, califica de “hipócrita” que a Xunta de Galicia investise medio millón de euros en dez carteis co lema ‘Hospital público’ para colocalos nos principais centros hospitalarios do Sergas, ao tempo que, “como sucede co Plan Funcional do ‘Gran Montecelo’, debilita o modelo público e mantén a dependencia actual cos concertos da sanidade privada”.

Na súa opinión, resulta “revelador” que o Goberno do PP teña que empregar rótulos de 50.000€ con letras de até dous metros de alto “para convencer á xente, e incluso a eles mesmos, de que apostan por un sistema público”.

Muere en urgencias de Ferrol, pero el Sergas dice que estaba atendido. Médicos denuncian a la Fiscalía la muerte de dos pacientes en los servicios de urgencia..Estos fallecimientos bien podrían suceder mirando para los letreros de 50.000 euros orquestados por el Gobierno de Feijóo....?

“Supoño que a asesoría xurídica da Xunta lles daría o visto bo, pero eticamente deixa bastante que desexar. Están a empregar fondos públicos -subliña Fernández- para facerse propaganda, curiosamente a un mes das eleccións xerais e, aínda por enriba, cando non se fixo nada en dous anos e medio.

O convenio co Concello asinouse en agosto de 2016 e, dende entón até marzo de 2019, o único que se fixo foi sacar adiante un borrador de Plan Funcional”.

Non obstante, a pesares de que a Agrupación Municipal do PSOE aplaude que o Goberno da Xunta recuperase “o sentido común” e abandonase “o insensato proxecto do hospital de Monte Carrasco, de financiación e, en parte, xestión privada”, lamenta que o Plan Funcional do ‘Gran Montecelo’ non dote ao futuro complexo “dos recursos necesarios para supera-la dependencia da sanidade privada”.

Entre outras cuestións, os socialistas consideran “insuficiente” o número de camas hospitalarias, “xustificado en base a erros de cálculo da poboación de referencia ou baseado na confianza cega en propostas como o ingreso domiciliario con teleasistencia, que parece pouco compatible coa realidade social do noso rural”.