Dende esta Xunta de Personal queremos denunciar públicamente o deterioro da sanidade na comarca de Valdeorras.
A mala xestión tanto por parte dos DIRECTIVOS DO SERGAS COMO DA XERENCIA DA EOXI DE OURENSE,VERIN, O BARCO E A XERENCIA DO HCV fan que a atención aos pacientes de esta comarca estea sendo do máis precaria. E que por consecuencia existan as seguintes circunstancias:
Falta de médicos especialistas no HCV.
Non saír as oposición a totalidade das prazas que no HCV xa existían con anterioridade.
Non cobertura das ausencias de facultativos cando se solicitan os permisos regulamentarios. (Sucesos que veñen ocorrendo dende vai tempo tanto a diario como aínda mais nos períodos estival e de nadal)
Aumento dos traslados a Ourense por non ter o HCV médicos especialistas de múltiples especialidades en datas concretas cando gozan das súas vacacións e non son cubertos por substitutos, coa conseguinte repercusión nos paciente e familiares.
Peche do servicio de HADO (hospitalización a domicilio) polo que os pacientes ou teñen que vir ao HCV , ou non teñen asistencia médica, ou teñen que estar na hospitalización convencional .
Facultativos que vindo a traballar ao HCV volven a marchar polas malas condicións laborais que aquí se lle ofertan (contratos de curta duración), falta de estabilidade tanto laboral como familiar.
Dado que hoxe houbo incorporacions de novos facultativos no HCV por mor da toma de posesion e incorporacion de OPE agardamos que estas plazas no HCV se manteñan no tempo.
