Ante a denuncia da Plataforma para a Defensa dá Sanidade Pública de Sanxenxo do peche das axendas de tódolos médicos do Centro de Saúde de Baltar durante o mes de agosto (para consultas, renovar receitas, ou emitir as baixas laborais das persoas traballadoras enfermas), desde a Asociación Galega para a Defensa dá Sanidade Pública queremos comunicar que:
1.- Esta decisión supón unha vulneración inaceptable do dereito da poboación para acceder á asistencia sanitaria e ás prestacións do sistema de saúde pública.
2.- Unha vez máis se mostra a incapacidade do SERGAS e da Xerencia de Área, para planificar a Atención Primaria, algo especialmente grave cando aumenta da demanda asistencial ao multiplicarse a poboación pola afluencia turística.
3.- Corrobora a denuncia da Plataforma SOS Sanidade de que proporcionar vivenda ao persoal médico no verán, non era máis que unha desafortunada ocorrencia de márketing populista que non soluciona nada.
4.- E moi preocupante cunha das primeiras medidas da nova Xerencia da Área sexa incrementar aínda máis os recortes. As intencións parecen moi claras.
5.- É urxente e necesario organizar mobilizacións de protesta contra da decisión de deixar sen atención medica a miles de persoas. A poboación aínda que sexa verán segue tendo enfermidades e problemas de saúde.
Asociación Galega para a Defensa da Sanidade Pública
