Trátase do primeiro operativo do Seprona para evitar a morte de aves nos tendidos eléctricos
Levouse a cabo entre outubro de 2018 e maio deste ano, e concluíu cun total de 107 denuncias tras máis de 350 inspeccións
Entre as aves achadas, hai exemplares de especies protexidas como o búho real, a aguia real ou o voitre leonardo
A Garda Civil achou un total de 120 aves electrocutadas na primeira campaña do Seprona contra a morte de avifauna nos tendidos eléctricos. Trátase dun operativo especial posto en marcha entre outubro do ano pasado e maio deste ano.
Tras levar a cabo máis de 350 inspeccións, a Garda Civil interpuxo un total de 107 denuncias por irregularidades relacionadas coa protección da avifauna contra a colisión e a electrocución en liñas eléctricas de alta tensión. Ademais, hai abertas dilixencias penais por cinco delitos contra a fauna.
Entre as especies protexidas achadas, o Seprona identificou 33 especímenes de búho real -bubo bubo-, 19 de aguia real -aquila chrysaetos-, 17 de voitre leonado -gyps fulvus- e seis de aguia imperial ibérica -aquila adalberti-.
Entre as actuacións efectuadas destaca o achado de 44 aves electrocutadas nunha leira de Albacete catalogada como zona de especial protección. A Fiscalía de Medio Ambiente e de Urbanismo iniciou xa dilixencias penais por estes feitos.
Delito contra a fauna
Segundo datos oficiais, cada ano rexístranse en España miles de mortes de aves por colisión ou electrocución en tendidos eléctricos, constituíndo a principal causa de morte dalgunhas especies que ostentan o máximo grado de protección segundo o Catálogo Español de Especies Ameazadas.
Trala reforma do Código Penal de 2015, este tipo de feitos contémplanse no delito contra os recursos naturais e o medio ambiente previsto no artigo 326 bis e no delito contra a fauna previsto no artigo 334, en relación a dar morte a especies protexidas de fauna por imprudencia grave.
?Fulgor? enmárcase dentro do Proxecto LIFE da Unión Europea ?Gardiáns da Natureza? contra o tráfico ilegal de especies protexidas, do que forma parte o Seprona.
Labor de concienciación
A actividade inspectora realizada xerou un efecto disuasorio considerable, xa que se han implementado medidas correctoras en moitos dos tendidos inspeccionados. Pola súa banda, as administracións autonómicas está solicitando os requerimientos de subsanación e adecuación de tendidos eléctricos aos seus titulares.
Para rematar, hai que destacar o labor informativo e de concienciación levada a cabo por parte dos gardas civís do Seprona, que impulsaron un cambio de mentalidad sobre esta problemática.
No operativo participaron axentes do Seprona apoiados por unidades de Seguridade Cidadá da Garda Civil. Tamén contaron coa colaboración da Fiscalía de de Medio Ambiente e Urbanismo, do Ministerio para a Transición Ecolóxica, e doutros organismos proteccionistas como o Grupo de Rehabilitación da Fauna Autóctona e a súa Hábitat (GREFA) e a Sociedade Española de Ornitología (SEO/BIRDLIFE).
