Noticia destacada de Galicia

A Audiencia Provincial da Coruña desestimou a petición exposta pola Avogacía do Estado de execución provisional da sentenza do caso Prestige. A Sala considera "que non é procedente acceder a tal solicitude" por varios motivos, entre eles, que "non cabe a execución provisional dun auto". Lembran tamén os maxistrados que o auto que se pretende executar, no que se fixan as indemnizacións que corresponden a cada parte, está recorrido ante o Tribunal Supremo. Para os maxistrados da Sección Primeira da Audiencia Provincial da Coruña, de executarse provisionalmente os autos, se a Sala do Penal do Tribunal Supremo estimase en todo ou en parte os recursos de  casación interpostos, levaría a unha "situación de consecuencias imprevisibles".