Consideramos inaceptable o peche dun Centro de Saúde que conseguiu mellorar os seus recursos sanitarios grazas á participación activa, durante moitos anos, das organizacións sociais (veciñais, culturais, de maiores, educativas, empresariais, de pais e nais de alumnos, deportivas, sindicais, políticas e municipais) da localidade por encima das súas lóxicas diferenzas que as poden separar.
Pechar este centro e suprimir profesionais sanitarios supoñería afastar a unha poboación de gran dispersión dos servizos asistenciais nuns momentos que os fan máis necesarios. A falta de recursos ou criterios economicistas non poden servir de argumento para pechar este Centro de Saúde que supoñería un paso máis no desmantelamento da Atención Primaria
A poboación de Seixo gañouse, coa súa implicación, o dereito a unha atención primaria accesible, próxima e de calidade, un exemplo para outras localidades.
Desde SOS Sanidade animamos á poboación e organizacións de todo tipo a sumarse á manifestación convocada para mañá día 9 de xullo ás 8,30 da tarde.
